古銅肌都要防曬

  夏天到喇!我要個個weekend都去同陽光玩遊戲!出發前我已做足準備,買定防曬霜,咁都未夠?原來防曬要留意好多嘢架,唔少得一支防曬度數夠高而修護力強嘅防曬霜,仲要留意呢啲防曬小知識 ,咁就唔怕紫外線會傷害到皮膚,萬無一失!

  1.紫外線可以穿過雲層

  有人話,「舊雲咁大,邊會曬到有斑啫」,查實現實係殘酷嘅,雲層對紫外線嚟講,根本就起唔到隔離作用,90%嘅紫外線係可以穿過雲層,除非係天氣極昏暗同厚重嘅雨雲層先能夠阻止到部分紫外線。

  2. 防曬小知識之食呢啲原來都可以防曬抗黑!

  唔想黑?就要外敷+內服!原來多飲綠茶、食朱古力同香蕉都可以預防曬黑,對抗黑斑!綠茶係有名嘅抗氧化同美白食物,可以避免黑色素沉澱,仲能保持皮膚濕潤!朱古力入面有抗氧化劑黃烷醇,可以減少紫外線曬紅皮膚。曬後就可以食隻香蕉,因為入面嘅維他命B同抗氧化多酚,可擊退黑色素產生,最啱用來做曬後急救。

  3. 防曬霜要幾時搽?使唔使補搽?

  搽防曬都要睇時間!最好就係喺曬前30分鐘就搽,因為防曬霜嘅有效成分要滲透至角質表層,才能發揮長時間嘅保護,安全起見,喺出門前再補搽一次。同埋每次都要用最少大半茶匙分量,大概1-2ml,防曬功效至最佳。如果進行水上活動,就記住勤補防曬霜,不過識揀梗係揀具防水、防汗功能嘅防曬霜,或者專供運動使用嘅BB防曬霜,咁就最安全有效。

  一般嘅BB霜防曬度雖然高,但係唔係專供運動使用,防禦力就唔夠強。SHISEIDO全新防曬霜BB for Sports SPF50+ PA+++(HK $290),就提供360度全方位保護,質地輕盈清爽又唔黏,仲有自然遮瑕效果,更有3種顏色畀你揀;最重要佢嘅WetForce防曬技術,會係你出汗愈多時提供愈強嘅防曬保護,又防水防汗,絕對係夏天必用!

  4. 防曬霜要年年買過新?

  唔少女生認為平日就搽SPF 30左右就足夠,好曬嗰日先用SPF 50,所以支高係數防曬霜就諗住留番下年用?其實最好就換過支新,事關防曬產品放置時間太耐,會降低防曬係數,減弱防曬功能。可以留意防曬霜底部嘅說明文字,見到有個「打開瓶蓋」標誌,上面會寫住一個數字同「M」,即係表示支護膚品應該於開封後幾耐要用完!

  5. 我係黑妹,擁有古銅肌就唔使用防曬喇?

  無論任何膚色人士,皮膚內都會有黑色素,因為當皮膚受到紫外線入侵,就會進入自我保護狀態,加厚皮層同埋產生黑色素,用來保護皮膚唔好曬傷。不過黑色素只能吸收部分UVB,幫你隔離紫外線使皮膚不受損,但就唔可以吸收UVA,所以無論膚色白或擁有古銅肌嘅你,防曬霜都係一年四季必需品!

  6. 揀防曬霜揀只留意SPF就夠?

  以前揀防曬品,大部分人只留意SPF防曬系數,但其實SPF係用來防UVB嘅時間單位,即係SPF 30,就即可延長曬紅時間30倍,即大概450分鐘左右。而UVB只佔陽光5%,其餘就是會令皮膚受傷害,亦會導致肌膚衰老嘅UVA,而PA就是可以抵禦UVA嘅時間單位。所以揀防曬品,就要睇清楚有無SPF同PA呀!

  可抗UVA同UVB嘅防曬霜才最理想。就好似SHISEIDO Perfect UV Protector HydroFresh SPF50+ PA++++(HK $340),佢仲採用三重革命性科技配合全新水包油乳化防曬配方,唔單止可以防曬,又唔會搞到皮膚黐黐笠笠,感覺清爽舒服,更具多種修護功效,咁就可以全天候保護皮膚。

  7. 用防曬就要用卸妝油清潔?

  好多人都覺得,用防曬霜就一定要用卸妝力強嘅remover去洗面,其實質素好嘅防曬霜入面唔存在堵塞毛孔嘅成分,所以係唔需要用卸妝油清潔,只需一般潔面霜就可以呀!當然,如果搽防曬後有化妝,就一定要用卸妝油潔膚喇!

  揀選防曬霜最好防曬系數、防水度、方便度都要好,首選SHISEIDO Perfect UV Protector SPF50+ PA++++(HK$340),佢有WetForce技術,加上專利防曬技術SuperVeil-UV 360™,能高度防曬,而且佢擁有高度防水防汗功能,質地又清爽唔黏笠,更可輕易以一般潔膚產品卸除,仲面部同身體皮膚都啱用,真係有佢一支就搞掂晒。

  來源:SHISEIDO

應用推薦App
網站優選Web
  • 6PM

    6PM

    美國亞馬遜旗下輕奢網站SHOPBOP

  • NET-A-PORTER

    NET-A-PORTER

    來自英國的時尚奢侈品電商。超過450個國際設計師大牌,官方授權。