地區限定!14款麥記名菜

  麥記喺全世界遍佈蹤影,數量就多到好似沙灘中嘅沙粒一樣,梗有一間喺左近。但你又知唔知唔同國家同地區都有佢哋自己嘅麥記「特色菜」呢?當中有啲充滿地道特色,有啲令你意想不到,邊個話旅行唔可以食麥記?食麥記都可以了解當地嘅風土人情,不妨記低以下嘅菜式同所屬地方,下次旅行就有新節目喇!

  1. 西班牙: 西班牙凍湯(Gazpacho Soup )

  凍湯係西班牙嘅傳統菜式,特別係天氣熱嘅時候飲真係既可口又解暑。

  2. 法國:法式三文治(Croque McDo)

  唔同我哋覺得口感愈多愈豐富,法國流行嘅傳統三文治好簡單,就係由兩塊薄麵包包住芝士同火腿。

  3. 德國:德國腸漢堡(Nürnburger)

  德國三寶:啤酒、腸仔、豬手,全部都可以喺麥記食到!

  4. 美國、加拿大: 龍蝦潛艇堡(McLobster)

  美加地區最出名嘅食物一定有龍蝦,但呢個包唔係隨時食到。因為成本太高嘅關係季度,只可以不定期作限量銷售,好彩有機會嘅話一定要試吓啊!

  5. 墨西哥:餡餅(McMollet)

  墨西哥有佢獨特嘅飲食文化,麥記當然都入鄉隨俗,呢個由炒豆、芝士、莎莎醬等整成嘅小餡餅就係當地嘅傳統早餐。

  6. 俄羅斯:牛肉漢堡(Beef à la Rus)

  呢個牛肉漢堡所選用嘅啡色麵包係俄羅斯嘅傳統包點,同美加嘅龍蝦潛艇堡一樣係不定期推出的。

  7. 菲律賓:意大利粉(McSpaghetti)

  即食意粉唔使學張志明去7-11食,飛遠啲可以去菲律賓嘅麥當勞。另外當地嘅麥記菜式全部都歡迎你叫「加飯」,飯桶唔使怕無得食!

  8. 中東國家:皮塔餅(McArabia)

  中東國家最常見嘅主食—皮塔餅(或稱口袋麵包)裝住蔬菜粒、酸忌廉、調味料以及雞肉,當然都會出現喺當地嘅M記啦。

  9. 印度:芝士捲餅(MсSpicy Paneer)

  雖然印度無完全禁止使用牛肉,但印度嘅麥當勞為咗遷就當地人嘅飲食習慣,都將牛肉轉晒做雞肉。而且因為印度有唔少嘅素食者,所以特地推出呢個蛋奶素菜捲餅。

  10. 馬來西亞:辣粥(Bubur Ayam)

  辣粥係傳統嘅馬拉食物,入面會有雞碎、青蔥以及辣椒粉。

  11. 中國:特別口味嘅批

  唔同國家嘅批口味都有唔同,而外國人就普遍覺得強國推出最多款唔同嘅奇怪口味,例如係黑莓同芋頭。(外國係咪無芋頭呢?)

  12. 新加坡、南韓:飯堡

  香港都有推出過「飯tastic」,但就唔太受歡迎,所以之後都無出現過。但原來喺新加坡同南韓仲有!

  13. 日本:朱古力薯條

  日本連杯麵都可以加朱古力醬,咁加落薯條的確唔出奇……

  14. 澳洲:罕有口味嘅雪糕

  除咗可口可樂、梳打味,你仲可以喺澳洲揾到藍色嘅香口膠味M&M雪糕,唔知味道會係點嘅呢?有無勇士敢食?

  來源:熱新聞  Yesnews Style

應用推薦App
網站優選Web
  • 6PM

    6PM

    美國亞馬遜旗下輕奢網站SHOPBOP

  • NET-A-PORTER

    NET-A-PORTER

    來自英國的時尚奢侈品電商。超過450個國際設計師大牌,官方授權。